Xoghayaha D/Hoose Maxamed Cabdi Xaashi Xamari oo halkaasi ka hadalay ayaa yidhi “ Wasiir waxa aan dul taaganahay jidka halbawlaha Boorama ah oo isku xidhaya Jaamacadda Camuud iyo Garoonka diyaaradaha ee Boorama, 2.5km ayaa qorshaysnayd, waxana noo dhismay 1km, waa waxqabad ay la kawsadeen xilhibaanada golaha degaanka ee cusub, waxana aan sheegayaa in jidkan kale ooh ore noogu dhismay uu yahay mid u dhaadhacaya dhinaca xaafada Sheed dheer, waxana uu dhererkiisu dhan yahay 500m waxana iska kaashaday dadka degaanka iyo D/Hoose, waxana noo sharaf ah inaad xadhiga nooga jarto.

Badhasaab ku xigeenka Awdal Md. Cabdi Nuur Sugaal oo isaguna halkaasi ka hadlay ayaa ku soo hal qabsaday hormarka gobolka ka socda, waxana uu yidhi “Wasiir gobolka waa gobolkii hormarka, inta Somaliland jirto wax hadan ayaa ka qabsoomay waxaas oo hormar ahina waa mid mudan in gobolada kale ee dalku ay ku daydaan”.

Wasiir Duur oo isaguna ka hadalay halkaasi ayaa yidhi “ Wasaarada Arimaha gudahu waxa ay ka shaqaysaa dhinacyada amniga iyo hormarka, waxa amniga nooga wakiil ah ciidamada oo kaashanaya shacabka, dhinaca kale waxa hormarka nooga wakiil ah Dawladaha hoose oo sanadkan ah qaar dhalinyaro ah oo ay dadku u han wayn yihiin, hadii ay ka soo bixi waayaan hormarka loo doortay dadkii soo doortay kalsoonida ha kala noqdaan, tan aan maanta u joognana waa farxad, waxana aan ka marag kacayaa in hormar balaadhan uu ka qabsoomay Boorama tan iyo inta ay golaha degaanka ee cusubi qabteen golaha degaanka ee Boorama”.

Intaasi ka dib ayaa Wasiirku waxa uu u baqoolay dhinac kale waxana uu dhagax dhigay labo wado oo ay mida koowaad tahay jid aad u sheer ooh or maraya cisbitaalka guud ee Boorama, halka jidka kale uu ka haa mid dhex maryaya xaafada Sh. Cali Jawhar oo ay dadawaynuhu gacan ka gaysanayaan.

Maayarka Boorama Mud. Saleebaan Xasan Xadi oo isaguna ka hadalay halkaasi ayaa sheegay in wadooyinkan la dhisayo ee ay dhagax dhigayaan ay yihiin kuwo ahmiyad balaadhan u leh bulshada, waxana isaga oo si gaar ah uga hadlayay wadada xaafada sh. Cali Jawhar uu yidhi “ Wasiir jidkan waa ka duwan yahay jidadkii hore, waxa qayb ka qaadanaya dadwaynaha xaafadan oo iyagu ah kuwo ku baraarugsan waxqabadka, waxa kale oo intan dheer oo aan wasiir sheegaynaa in dhisamayaasha wadooyinka ee aan wadanaaa ay yihiin kuwo ka awood badan D/Hoose isla markaan waxa aan kaa codsanaynaa inaad qayb ka qaadataan inta soo hadha ee awoodayada ka badnaata”.

Xil. Cabdi Cismaan Dhagawayne oo isagu ka maid ah gudida xaafada Sh. Cali Jawhar ee hawsha ka qayb qaadanaya ayaa ka hadlay halkaasi waxana uu yidhi “ Wasiie xaafadan Sh. Cali Jawhar waxa ay caan ku tahay iskaashiga iyo wax wada qabsiga, waxa aan jidkan ku daraynaa lacag dhan 20kun oo doolar taasi oo aan gacanta ku hayno, waxana ay xaafadani astaan u tahay sida ay bulshadu ugu heelan tahay in wax ay ku darsato hawlaha hormarka ah ee socda”.
Wasiir Duur ayaa isaguna bogaadiyay hawlaha hormarka ah ee ay ku talaabsatay xaafadan, waxana uu xusay in iskaashigu uu yahay midka hawsha la hayo ka dhiga mid wax tar leh.

Intaas waxiii ka dambeeyay ayaa wasiirku waxa uu soo arkay hawsha dhismaha ah ee ka socota garoonka kubada cagta ee Boorama iyo dhismaha kale ee ka socda saldhiga booliska ee xaafada Sh. Cali Jawhar oo qali qabyo ah, halkaasna uu ka balan qaaday wasiirku in waxyaabaha ka dhiman uu ku dari doono.

Wariye: Maxamed Cabdilaahi Dabshid.
Cadceednews Borama Office.

Wariye: Maxamed Cabdilaahi Dabshid.
Cadceednews Borama Office.

Madaxweyne Axmed Maxamed Siilaanyo, ayaa qoraal kooban oo uu 19 May, ku qoray barta uu ku leeyahay twitterka, wuxuu kaga hadlay go’aankaas  Somaliland ee la xidhiidha hay’adda ICAO oo ku wareejinaysa hawada Somaliland iyo Somaliya, dawladda federaalka Somaliya. “Xayiraadda ay Somaliland saartay duulimaadyada Qaramada Midoobay, lama qaadi doono ilaa aanu heshiis ka gaadhno.” Sidaas ayuu Madaxweynuhu ku yidhi qoraalka kooban ee uu ku qoray bartiisa twitterka.

Waxa kale oo uu Madaxweyne Siilaanyo isla maalintaas Twitterka geliyay, farriin kooban oo uu u diray beesha Caalamka, “Bulshada caalamku waa inay fahantaa inaan rabitaanka iyo himilooyinka reer Somaliland la iska indho tiri karin.”

Go’aankan uu Madaxweyne Siilaanyo ku ladhay xayiraadii uu wasiirka duulista iyo hawada Md. Maxamuud Xaashi Cabdi, saaray duulimaadyada Qaramada Midoobay, ayaa u muuqda mid uu Madaxweyne Siilaanyo ku sii adkaynayo xayiraadaas, islamarkaana uu ku muujinayo inuu go’aankaasi yahay mid rasmi ah oo ay hirgelintiisu dawladda Somaliland ka go’antahay.

Cadceednews Hargaysa

Wariye: Maxamed Cabdilaahi Dabshid.
Cadceednews Borama Office.

Wariye: Maxamed Cabdilaahi Dabshid.
Cadceednews Borama Office.

Wariye: Maxamed Cabdilaahi Dabshid.
Cadceednews Borama Office.

Wariye: Maxamed Cabdilaahi Dabshid.
Cadceednews Borama Office.

Wariye: Maxamed Cabdilaahi Dabshid.
Cadceednews Borama Office.