|

Dalku  Laba  Arimoodba  Korneyl  Muuse  Biixi  Ayuu  Ugu  Baahan  Yahay  Hogaamintiisa.  Qalinka:  C/raxmaan  Sayid  Faarax  (Jeesto).

 Marka  la  leeyahay  Mujaahid  Muuse  Biixi  Cabdi  Waa  nin  adeg  maaha  macnaheedu  waa  nin  arxan  aan  lahayn  balse  waxay  ujeedadu  waa  nin  ku  ad-adeg  waxa  uu  gacanta  ku  hayo  xaga  go,aan  Qaadashada  iyo  hir-galinta  runta  waxa  looga  baahan  yahay,  Hadaba  Somaliland  waxay  hada  tabaysaa  madaxweyne  adeg ,  go,aan  leh,  wadaniyada  ku  fiican,  ku  calool-san  kartidiisa  iyo  aragtidii  uu  mujaahidnimada  u  soo  marey  oo  ay  ku  weyn  tahay  hour-marinta  dalkan  waxa  ka  dhiman,  Runtii  dawladnimo  haabkeed  waan  haynaa  iyo  san-saayo  qaranimo  balse  waxa  wali  inaga  dhiman  nidaamka  iyo  haykalka  kala  danbeynta  dawladnimo,  Si  ay  meesha  uga  baxdo  in  shakhsiyad  laga  laaluusho  dawladnimada  ama  maslaxadu  badato  taasoon  dadka  badankoodu  qalad  u  fahmeen,  Amaba  in  cid  la  raali  galiyo,  Ruknigani  wuxuu  tir-tirayaa  waxasoo  dhan   waxana  si  toos  ah  u  bilaabmeysa  Luqadii  Dawladnimada  oon  jixin-jixiyo  laheyn  ka  xidhis.

 

 

Markaa  maanta  waxaan  ka  faalooni  sida  ay  Somaliland  ugu  baahan  tahay  Mujaahid  Muuse  Biixi  Cabdi  inuu  ka  noqdo  madaxweyne  hogaaminaya,  Horta  shakhsiyada  muuse  biixi  waa  mid  dadaal  badan  oo  hir-galisa  aragtidiisa  isagoon  cidnaba  u  daba-fadhiisan  ilaa  iyo  kornaylnimadiisii  academicka  aheyd  waxa  lagu  xasuustaa  inuu  ahaa  nin  dadaal  badan,  daacad  ka  ah  hawshuu  gacanta  ku  hayo  ,  karti  badana  leh,  aqoon  wanaagsana  u  leh  hogaaminta  iyo  hagista  taasina  waxa  kuu  cadaynaya  waa  kornayl  waxbarasho  ku  soo  qaatey  wadamada  ruushka  iyo  mareykankaba  waa  quwadihii  dunida  isu  hayey,  milatarigu  waa  hoogaamiyaha  ugu  wanaagsan  haduu  hab  dawladeed  hago   inta  taariikhda  caalamka  la  hayo,  qaar  baa  yidhaa  waa  askari  runtiina  askari  iyo  milatari  way  kala  duwan  yihiin  ,  askar  badanina  dunida  in  badan  bay  soo  hageen  bal  taariikhda  dib  u  milicsada.

 

 

Waxaan  hada  si  toos  ah  ugu  dhabo-gali  sababta  uu  dalku  ugu  baahan  yahay  muuse  biixi  cabdi  Waa  laba  arimood  oo  kala  ah  SHarciga  Hir-galintiisa  qalad  iyo  saxba  wixii  cadaaladu  fareyso  umaraa-adda  Iyo  kan  labaad  oo  ah   Sugida  Amniga  oo  faro-adeg  gala  maxaa  wacey  waxaa  inagu  gadaaman  duruufo  fara-badan  oo  ka  jira  mandaqan  geeska  ee  aynu  qaybta  ka  nahay  kuwaasoo  la  saadaaliyo   iney  kooxo  kala  duwani  ay  saameyn  ku  yeelan  doonaan   mustaqbalka  sida  ururada  islaamiga  ama  kooxaha  diinta  ku  gabadda  (Religious  groups  or  Islamic  organizations)  hadaba  si  caqabadahan  looga  bad-baado  waxaan  u   baahan  nahay  madaxweyne  adeg  oo  aan  cidna  ka  gabaneyn  sharcigana  umada  u  simaya  oon  kala  qaad-qaadeyn,  kala  jeclaysaneyn.

 

 

1: Tan  SHarciga  Iyo  Madaxweyne  Muuse

 

 

 

Sharciyada  inuu  hir-galinayo  waa  hubaal  madaxweyne  muuse  haduu  eebe  libinta  kursiga  ku  galado  waxaana  kuu  cadeynaya  imika  muuse  biixi  cabdi  dadka  waxba  uma  balan-qaado  xataa  kuwa  ugu  dhaw-dhaw  ee  la  shaqeeya ,  cidna  sad  dheer  ma  siiyo  umada  kale  xisbiga  gudahiisa  sababtuna  waa  sharciyada  iyo  shuruuda  caalamiga  ayaa  simaya  umada  bah-wadaagta  ah,  lamana areg  isagoo  sharciga  saxda  ah  ka  leexanaya  markaa  umadu  waxay  u  baahan  tahay  nin  adeg  oo  sidaasoo  kale  sharciyada  ula  xidhiidhiya  isagoon  cidna  ku  xad-gudbeyn  aan  sad  dheeriyana  siineyn  cid  kale  oo  loo  wada  siman  yahay  saqiir  iyo  kabiirba  ,  waa  taa  hadaba  rukni  ka  mid  ah  rukniyada  ay  Somaliland  ku  tabeyso  hogaaminta  madaxweyne  muuse  hadii  calaf  ku  leeyahay  hanashada  kursiga  ugu  sareeya  Somaliland ,  inkastoo  uu  isagu  yahay  ka  kaliyaatee  dalku  u  baahan yahay  musharaxiinta  tartamaya , Dhinacan  sharciga  oo  xaqqiiqatan  dawladnimadeena  wiiqay  looma  baahna  shakhsi  in  la  raali-galiyo  ama  reer  lagaga  baqo  waa  shuruucdu  shaqeysaa.

 

 

2:Tan  Amniga  Iyo  Madaxweyne  Muuse

 

 

 

Waxay  noqotey  amniga  iyo  arimaha  la  xidhiidha  secuirtyiga  iyo  doorka  muuse  biixi  cabdi   wuxuu  dhisi  adkaynta  amniga  iyo  ciidamada  qalabka  sida  kuwaasoo  lagaga  gaashaaman  karo  duruufaha  badan  ee  ku  gadaaman   geeska  iyo  mandaqadeena  kuwaasoo   salka  ku  haya  kooxo  urur-diimeedya  ah  oo  daneeya  saameynta  siyaasada  geeska,  hadaba  hadii  uu  nin  adegi  yimaado  sida  muuse  biixi  oo  kale  kama  ogolaanayo  iney  inaga  dhex  abuurmaan  ama  saameyn  inagu  yeeshaan,  waa  milatari  khibrad  gaamurtey  leh  oo  salka  iyo  baseka u  adkeynaya  ciidamadeena  si  cudud  balaadhan  u  yeeshaan  oo  iska  caabida  dhamaan  cadawyada  ama  cidii  soo  daakhisha  umuuraha  qarankani  taasi  waa  rukniga  aminiga  oo  sii  quwadeysan  doona  hadduu  eebe idmo.

 

 

Kuwani  waa  qodobada  aan  ku  xulaney  in  aaney  jamhuuriyada  Somaliland  waqti-xaadirkan  ka  maar-meyn  hogaamin  Mujaahidka  Muuse  Biixi  Cabdi  oo  ku  suntan  hogaamiyenimo  buuxda.

 

 

 

Qalinka:  C/raxmaan   Sayid   Faarax  (Jeesto)

Diplomatic  Analysts

Gabiley/Somaliland.

Comments are closed